اعظم ذكرياتنا مع سورة يونس





امبارح الإمام قرأ في التراويح سورة "يونس"

جميلة أوي سورة يونس، ليها معايا ذكرى غريبة جدا !!!

من حوالي 15 سنة لما كنت بحفظ قرآن، قررت أحفظ سورة يونس!

بدأت حفظ لكن تعبت أوي في الأول بسبب كثرة المتشابهات والمواضيع المختلفة في السورة، كل ما أحفظ جزء منها أنساه !! لكن أخذتها تحدي 💪🏻 واتفقت مع صديق نتقابل كل يوم الفجر في المسجد نحفظ ونسمّع لحد شروق الشمس !! وبفضل الله بعد شهر كامل أتممت الحفظ، واحتفلت أنا وصديقي بالإنجاز العظيم ده 🏆😊 

كنت سعيد جدا بالانجاز ده ، وقلت بقا دلوقتي آن الأوان أختار سورة تانية عشان أحفظها 💪🏻

المهم تاني يوم نزلت أصلي العشاء في مسجد جمب البيت ، الإمام قرأ آيات في منتهى الجمال ! اتأثرت بيها جدا جدا ، قلت لازم أروح بعد الصلاة أسأله سورة ايه دي عشان أحفظها !! 

روحت سألته .. طلعت سورة يونس 🙂

تعليقات

المشاركات الشائعة من هذه المدونة

كم عدد اركان الصلاه التي لا تصح الا بها