كيف بكت ماكينة الصراف الألي






 بقالى ساعة بلف بالعربية عشان ألاقي ماكينة ATM فاضية عشان أعرف اسحب فلوس ومش لاقي يا عطلانة يازحمة جداااا..مشيت كتييير عشان ألاقي وآخر مازهقت لقيت واحدة خفيفة شوية 

نزلت متأفف جدا إنى هقف ف الطابور ..المهم وقفت ...

لاحظت الراجل اللى قدامى حد ف أوائل الخمسينات من عمره ومن الطبقة المطحونة...الراجل كان عرقان جدا وجسمه بيتنفض مع إن الجو مش برد ولا حاجة بس ماركزتش أوى معاه ....

بعد شوية لقيته بيقولى " هستأذنك بس تحجزلى المكان عشان مش قادر أقف وخايف أقعد يروح عليا دورى"

فقلت له اتفضل ودورك محجوز....

الراجل قعد ع الرصيف اللى جنبي وبدأ ينشف العرق اللى مغرقه ورافع ايديه للسما وبيقول "يارب وحياة حبيبك النبي أنا مينفعش خالص أعيا انهارده بالذات خد بإيدى بس لحد بكرة يارب والنبي"

الراجل كان بيتوسل لربنا إنه ميتعبش بطريقة لفتت انتباهى ...قربت منه وسألته "أنت كويس؟"

قالى كلمه هزتنى بجد "الحمد لله فى زحام من النعم "

بقوله واضح إنك تعبان طيب ماتروح لأقرب دكتور ...

لقيت الراجل عينيه دمعت وهو بيقولى ماينفعش اتعب يا أستاذ دى رفاهية أنا مش أدها ...

أنا زوجتى متوفية من 8 سنين وعندى 4 ولاد كبيرهم فى الكلية ومحتاج مصاريف كليته انهارده ووعدته إنى هقبض واروحله الجامعة أديهومله ...التلاتة التانيين ف ثانوى وإعدادى وكتر خير والدتى كانت بتراعى ولادى بعد موت مراتى ...

لكن دلوقت أمى كمان مريضة مرض موت وبراعيها هى وعيالى. ..

أنا موظف حكومة مرتبى 2700 جنيه وبشتغل بعد الضهر عامل توصيل مطعم بألفين جنيه وكل ده مش ملاحق ع البيت والولاد والدروس ومصاريف علاج والدتى ....

صاحب البيت كاسر عليا إيجار متأخر وآخر معاد انهارده عشان ياخد نص فلوسه بعد محايلات منى وم الجيران عشان ميرميش عفشي وأمى المريضة وعيالى ف الشارع

أنا وقفت قدام كلام الراجل مش عارف أقول إيه ....

الراجل عنده كل ده وبيقولى"الحمد لله فى زحام من النعم "

وأنا اللى ظروفي أحسن منه مليون مرة متضايق ومخنوق ...كأنه إدانى قلم على وشي وقالى أنت جاحد بنعم ربنا ...

المهم بعد ما صرف الفلوس أخدته المستشفي بعد محايلات منى وأصريت استناه وأوصله بيته بالعربية ...عشان أتفاجئ بمفاجأة أكبر ...

والدته ف التمانيين من عمرها وكفيفة وراقدة على فراش الموت وكل كلامها الحمد لله على نعمه والشكر لله على واسع فضله ...

بصيت حواليا أشوف واسع فضل الله اللى بتشكره عليه لقيت بيت عبارة عن دور أرضي حيطانه أكل عليها الزمان وشرب وكله رطوبة

الفرش سريرين ودولاب وكنبتين بلدى وحصيرة.......

لسه ببص حواليا لقيت الباب بيخبط وطلع كلامه حقيقي كان صاحب البيت عاوز فلوسه وداخل يزعق ويتوعد ويهدد بطرده.....

المهم بعد تدخل منى ورفض شديد من الراجل المحترم ده اللى علمنى درس عمرى

كان رافض تماما إنى أدفع الفلوس بتاعة الإيجار 

دفعت الفلوس لصاحب البيت ومعاهم إيجار سنة مقدم وأخدت منه إيصالات الإيجار واديتهاله ....

الراجل فضل يعيط زى الأطفال ويقولى " إنت طلعتلى منين ؟...أنا طول الليل منمتش وعمال أصلى وادعى ربنا يسترنى وماتفضحش قدام الجيران ف الشارع"

قلتله ربنا عطل لك 4 ماكينات صرافة وزحم 6 ماكينات تانيين عشان يبعتنى ليك

وبعتك أنت كمان ليا عشان تعلمنى أتأدب مع ربنا ف ابتلائي. ....

اللهم حمدا كثيرا كما ينبغي لجلال وجهك وعظيم سلطانك


تابعونا علي اليوتيوب 

https://youtube.com/channel/UCowLHQZoAgucNmX19c9tuDQ

تعليقات

إرسال تعليق

المشاركات الشائعة من هذه المدونة

كم عدد اركان الصلاه التي لا تصح الا بها

صورة
أركان الصلاة  النية  النية هي أول ركن من أركان الصلاة وهي إبداء العزم للمُصلِّي على أداءِ الصلاة تقرُّباً لله -سبحانه وتعالى، ويجب على المُصلِّي تحديد ماهية الصلاة التي يريد أداءها من حيث الفرضيّة؛ فرضاً أم سُنّة، وتحديد اسم الصلاة التي يريد القيام بها؛ وغيرها من الصلوات. تكبيرة الإحرام عند البدء بالصلاة، يجب على المُصلِّى أن يرفع يديه إلى أذنيه ويقول: "الله أكبر"، فقد ثبت عن الرسول -صلى الله عليه وسلم أنه قال: (إذَا قُمْتَ إلى الصَّلَاةِ فَكَبِّرْ).   القيام في الفرض القيام في الفرض يكون بوقوف المصلي منتصباً بلا عِوجٍ ولا انحناءٍ عند أداء الصلاة، وفقًا لقول النبي صلى الله عليه وسلم-: (صَلِّ قَائِمًا، فإنْ لَمْ تَسْتَطِعْ فَقَاعِدًا، فإنْ لَمْ تَسْتَطِعْ فَعَلَى جَنْبٍ)، والقيام ركنٌ في الفرض دون السنة.   قراءة الفاتحة في كل ركعة يجب على المُصلِّي قراءة سورة الفاتحة في كل ركعةٍ في الصلاة، سواء كانت الصلاة فرضاً أم سنةً، جهريةً أو سريةً، لقول الرسول صلى الله عليه وسلم-: (لَا صَلَاةَ لِمَن لَمْ يَقْرَأْ بفَاتِحَةِ الكِتَابِ)، وهذا ركن أساسي لصحة الصلاة،  فإذا...
قراءة المزيد